Almaniyanın 3 şəhərində “Harmony of Sound” beynəlxalq musiqi festivalı təşkil edilib

  Almaniyanın Bielefeld, Detmold və Paderborn şəhərlərində “Harmony of Sound” III Beynəlxalq Musiqi Festivalı keçirilib.
REKLAM ALANI
Almaniyanın 3 şəhərində “Harmony of Sound” beynəlxalq musiqi festivalı təşkil edilib
Yayın: 18 Kasım 2023 GÜNDEM Google News

 

 

 

 

Almaniyanın 3 şəhərində “Harmony of Sound” beynəlxalq musiqi festivalı təşkil edilib

, 2023

Almaniyanın 3 şəhərində “Harmony of Sound” beynəlxalq musiqi festivalı təşkil edilib

Almaniyanın Bielefeld, Detmold və Paderborn şəhərlərində “Harmony of Sound” III Beynəlxalq Musiqi Festivalı keçirilib.

 

 

 

Bu mədəniyyət hadisəsi Almaniyada fəaliyyət göstərən “Bridge of Sound” kamera ansamblının, eləcə də “Harmony of Sound”un yaradıcısı və bədii rəhbəri, azərbaycanlı bəstəkar, musiqişünas Xədicə Zeynalovanın təşkilatçılığı ilə gerçəkləşdirilib.

Festivala informasiya dəstəyini Almaniyanın “Lippische Landeszeitung”, “Lippische Wochenzeiung”, “Neue Westfälische”, “Westfalenblatt” qəzetləri, “Heft” və “Tanqodanza” jurnalı, WDR və Lippe radioları göstərib.

 

 

 

Hər il bir ölkənin musiqi mədəniyyətinə həsr olunan festival bu dəfə “Mi Buenos Aires Querido” adı altında keçirilib və tamaşaçıların diqqətini Argentina musiqisinə yönəldib. Festivalda çoxlu sayda ansambllar və solistlər, o cümlədən Argentinadan “İn Creshendo” ansamblı, “Bandenon” xalq çalğı alətləri ansamblı, gitara və çaranqo ifaçıları, solist Naça Darayo, alman pianoçusu Zina Kloke iştirak ediblər.

 

 

 

 

 

Məşhur “Rudolf-Oetker Halle”, “Sommertheater” və “Paderhalle” konsert zallarında baş tutan konsertlər zamanı Azərbaycan, Argentina və Almaniyanın klassik və müasir bəstəkarlarının əsərləri səsləndirilib. Azərbaycan bəstəkarı Xədicə Zeynalovanın “İn Creshendo” kvarteti üçün bəstələdiyi “Tanqo del Amore” əsərinin premyerası tamaşaçılarda böyük maraq doğurub və alqışlarla qarşılanıb. Bielefeld və Detmold şəhərlərində konsertlərdən sonra canlı musiqi və tanqo-rəqs gecələri tamaşaçılara böyük zövq verib.

 

 

 

Musiqi festivalını Argentinanın Almaniyadakı səfirliyinin konsulu Maria Belen Serra, Bielefeld, Detmold və Paderborn şəhərlərinin merləri, mötəbər qonaqlar, kütləvi informasiya vasitələri mənsubları və musiqisevərlər izləyiblər.

 

 

 

Qeyd edək ki, ilk dəfə 2021-ci ilin noyabr ayında “Vom Land des Feuers/Odlar diyarından” adı altında təşkil edilən “Harmony of Sound” beynəlxalq musiqi festivalı Azərbaycanın Qarabağdakı misilsiz Zəfərinə həsr olunub. İkinci dəfə 2022-ci ildə “Sülh naminə” mövzusunda keçirilən festival Ukrayna mədəniyyətinə və musiqisinə həsr edilib.

Xədicə Zeynalova bildirib ki, bu layihə qalib Azərbaycanın və musiqi mədəniyyətimizin yüksək səviyyədə təbliğ edilməsi, Qərb və Şərq xalqlarının musiqi mədəniyyətlərinin birləşdirilməsi, mürəkkəb dövrdə dünya xalqlarının birlik və həmrəyliyinin nümayiş etdirilməsi məqsədilə gerçəkləşdirilir.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/almaniyanin-3-seherinde-harmony-of-sound-beynelxalq-musiqi-festivali-teskil-edilib-3816

 

 

 

 

Son Güncelleme: 18 Kasım 2023
Etiketler: , , , , ,